DECIRES
Paisanus y forasterus.
¡Bienvenius seais a estos lares!
¡Que haiga paz que haiga gozu,
Que to el mundo se relaije!
¡Que se oyan las campanas,
Que aiga musica en el aire!
¡Que abrazaus como hermanus,
Estas fiestas bien nus cuadren!
¡Como ha cambiau Estremaura!
Amtis casi, tos, eramus unus don naides.
Hoy somos tos ciudadanus,
Gracias a las libertais.
Paisanus y forasterus bien venius:
Seáis a estos lares.
Que estas fiestas las jacemus,
Que asina lo aprenda España,
En honor de nuestra maire:
¡Virgen de la Soterraña!
Toos los días peregrinus,
A la tarde a la mañana,
Aupan muchos madroñerus
Las empinas entre sañas,
Pa en su ermita rezar
Por Extremaura y España.
¡Que muchos que han leio:
Que la fe mueve montañas!
Te lo pedimus Señora.
Mira primeru, a España,
Endispués a Estremaura,
Y si alguna pieza cuaja,
Echamúslo en Madroñera;
Pero en principiu la Patria.
¡Como ha cambiau Extremaura!
Si hasta paeci que el campu,
Recreci de pura rabia,
De estos añus de sequia,
Y se ha vuelto a llenar de savia.
Y han rebrotau las encinas,
Y los olivos se agabian,
Y hemus teniu cosechas;
y…!tranquilus por el agua!
El Presidente extremeñu,
Dijo a un viejo en la mí plaza:
Abuelo, no se quite usté la gorra
Que naide se lo demanda.
Sólu, ante Dios y ante Rey
Y abuelu, si bien le cuadra,
Anti el Alcaldi del pueblu,
Cuando sostenga la bara.
Y ante más abuelu naide.
Se han terminau las palabras
De los que siempre han queriu
Gorra en manu y de sueldu na
Mediu duro y pasando jambre en casa.
Estoy jiciendo verda;
Y si alguno es del asa,
Que agache el cuellu, y…!andandu!
Que se vaya de mi Plaza.
Pero a pesar de to estu,
Tengo un nuo en la garganta
Que me jiere y acongoja,
Y es que desperdigaus por España,
Un montonde dadroñerus
Tienen asenta su casa.
Se fuerun hacia otru sitius,
Dejandose aquí jél alma.
¡Y es que queremos que vuelvan!
¡Nos jestan haciendu falta!
¡Por que nos han explutau,
Como a los niños que maman!
Y eso se tie que acabar,
Por las buenas o por las malas,
Que jestamus ya mu Jartum,
De esos que to lo acaparan,
Y que endispues nu lu vendin
A los precius que ellus tratan.
¡Que Extremaura es mui rica!
Pero hay que cultivalla.
¡Que dicen los de la teli,
Que alimentamusa España!
Pués si estu es asina,
Atemusno bien las marras,
Y vamus a colocar
Los cujones en la parra.
Paisanus y forasterus.
¡Alegría en vuestras caras!
Es lo que tos deseamus,
Por que jicen que ella es
Como el espeju del alma.
De verdad, que lo queremus;
Y para que asina se jaga,
Te lo pedimus Señora,
¡Virgen de la Soterraña.
Esto lo escribió en su día Eloy Gozalo
Que fue alcalde de Madroñera.
